Савет міністраў Беларусі адправіў у адстаўку Міхаіла Свянціцкага і Міхаіла Савельева.

Згодна з пастановай Саўміна № 1317, два знакавыя намеснікі міністра вызваленыя ад пасад, якія яны займалі, «у сувязі з выхадам у адстаўку», згодна (падпункт 1.8 пункта 1 артыкула 40 Закона Рэспублікі Беларусь ад 14 чэрвеня 2003 года «Аб дзяржаўнай службе ў Республіцы Беларусь»), паведамляе «Ежедневник». На месца першага намесніка міністра гандлю Міхаіла Свянціцкага прызначаны Уладзімір Калтовіч, які да гэтага займаў пасаду намесніка міністра гандлю. На пасаду намміністра сельскай гаспадаркі і харчавання Міхаіла Савельева прызначаны Леанід Марыніч, які займаў пасаду начальніка ўпраўлення механізацыі і тэхнічнага прагрэса з галоўнай інспекцыяй па наглядзе за тэхнічным станам машын і абсталявання Міністэрства сельскай гаспадаркі і харчавання.

Пастановай Саўміна таксама прызначаны новы намеснік Міністра транспарта і камунікацый, якім стаў Уладзімір Дзервянкоў, намеснік Міністра фінансаў Уладзіслаў Татарыновіч і дырэктар Дэпартамента знешнеэканамічнай дзейнасці Міністэрства замежных спраў Валер Садоха.