| Вагон электрацягніка Менск-Пухавічы загарэўся ў чацвер каля 23.00 падчас руху цягніка ў 700 метрах ад станцыі Вендзеж. |
Пра гэта паведамілі агенцтву «Інтэрфакс» у прэс-службе Менскага абласнога ўпраўлення МНС.
«Супрацоўнікі
МНС, якія прыбылі па сігнале дзяжурнага па станцыі, выявілі моцнае
задымленне ў вагоне. Усе 5 пасажыраў вагона пакінулі яго самастойна.
Усяго ў цягніку знаходзілася каля 40 пасажыраў», – распавяла
прэс-сакратар упраўлення МНС Анастасія Клябан.
Паводле
яе словаў, гарэў уцяпляльнік даху вагона, пашкоджана агнём каля 20
квадратных метраў даху. Папярэдняя версія здарэння – падпал. Ідзе
разбіральніцтва.
