| Міністэрства аховы здароўя адмаўляецца каментаваць выбух пнеўманіі ў Беларусі, але ўрачы шпіталёў, нарэшце, сталі распавядаць, што адбываецца на самой справе. |
| Крыніца ў адным са шпіталёў Менска, якая прасіла не называць свайго імя, распавяла «Радыё Свабода»:
«За «Радыё Свабода» |
Супрацоўніца прэс-службы Міністэрства аховы здароўя Раіса Чудук
паведаміла «Радыё Свабода»: «Вы можаце звярнуцца да нас з пісьмовым
запытам, такіх дадзеных у мяне пакуль няма. Я думаю, што мы падрыхтуем
прэс-рэліз і вывесім яго на сайце».
Урач, якая працуе ў шпіталі, таксама паведаміла пра іншыя праблемы, з якімі сутыкаюцца медыкі:
«Нас
маскамі не забяспечваюць. Лекаў не хапае. У нас ідзе ўжо ўскладненая
пнеўманія, таму выкарыстоўваем антыбіётыкі: цэптрыаксон, цэптрафасфат
(усё гэта беларускія прэпараты). А імпартныя лекі вельмі дорага
каштуюць, іх няма. Хворым два разы ў суткі даем вельмі вялікія дозы
антыбіётыкаў», – паведаміла ўрач.
Як раней паведамляў сайт charter97.org,
у апошні час у байнэце сталі з’яўляцца паведамленні пра смяротныя
выпадкі ў менскіх шпіталях ад свінога грыпу. Чыноўнікі Міністэрства
аховы здароўя абвяргаюць гэтую інфармацыю. Галоўны дзяржаўны санітарны
ўрач Беларусі Валянціна Качан заявіла, што на свіны грып захварэла 59 чалавек, але эпідэміі няма.
«Зарэгістравана 59 лабараторна пацверджаных выпадкаў свінога грыпу, але выпадкаў са смяротным зыходам няма», – заявіла Качан.
Тым часам выканаўца абавязкаў дырэктара РНПЦ эпідэміялогіі і мікрабіялогіі Аляксандр Пяткевіч паведаміў, што Расея так і не паставіла ў Беларусь абяцаную вакцыну ад віруса A/H1N1.
У
аптэках Менска няма нават масак, і назіраюцца перабоі з недарагімі
супрацьвіруснымі сродкамі беларускай вытворчасці кшталту арпітола.
Школы
Менска і шмат якіх гарадоў Беларусі закрытыя на каранцін. Паводле
афіцыйнай версіі, гэта звязана з высокім узроўнем захворвання ВРВІ.
