Нд, 2022-12-04, 14:47


Головна Реєстрація RSS PDA   18+
Вітаю Вас, Гість
Новини України
Курси валют в Україні
Прогнози погоди
Новини росії
Навіны Беларусі
Новини світу
Новини економіки
Новини культури та освіти
Новини релігії
Новини спорту
Новини кіно: анонси, скандали, актори
Новини шоу-бізнесу: сенсації, курйози, фото, світське життя
Новини медицини. Здоров'я. Лікарські дива
Новини науки і технології
Автоновини: авто та транспорт
Кримінальні новини і надзвичайні новини
Новини про відпочинок і туризм
Катастрофи та природні катаклізми
Іноземні видання по-українськи
Иностранная пресса по-русски
Цікаві інтерв'ю
Історія українських земель
Відеоматеріали
Анонси. Повідомлення. Прес-релізи
Онлайн ТБ - цікаві телеканали на "Голос UA на РФ" у прямому ефірі
КІНОЗАЛ - фільми і програми українських каналів онлайн
Біографії. Довідки. Рецепти
Новини бізнесу
Дискусії: політичні, національні, любовні і психологічні
Мода, стиль і краса
Все про нерухомість
Архів-календар
«  Жовтень 2009  »
ПнВтСрЧтПтСбНд
   1234
567891011
12131415161718
19202122232425
262728293031
Головна » 2009 » Жовтень » 22 » У Шклове застрэліўся міліцыянт. Ужо дзевяты за год
11:37
У Шклове застрэліўся міліцыянт. Ужо дзевяты за год
Інші останні Навіны Беларусі на сайті holosUA.com/

Участковы інспектар, лейтэнант міліцыі скончыў жыццё самагубствам з пісталета Макарава.

Трагедыя адбылася тыдзень таму. Участковы інспектар, лейтэнант міліцыі, знаходзячыся на службе, у абед прыехаў да маці ў кватэру і там стрэлам у галаву з пісталета Макарава застрэліўся, паведамляе «Ежедневник».

Пракуратура Шклова ў цяперашні час праводзіць разбіральніцтва, выяўляючы, якія прычыны прымусілі афіцэра міліцыі скончыць жыццё самагубствам.

У 2009 годзе МУС літаральна захліснула хваля самагубстваў міліцыянтаў. Так у красавіку ў Воршы з аўтамата проста ў збраярні застрэліўся маёр аддзела ўнутраных справаў на транспарце. Следам за ім у Менску з табельнага пісталета застрэліўся ўчастковы. Праз месяц, у траўні, павесіўся міліцыянт батальёна міліцыі Ленінскага аддзела аховы Берасця. У чэрвені наклаў на сябе рукі рэчыцкі АМАПавец. У жніўні скончылі жыццё самагубствам яшчэ два міліцыянты: у Барысаве застрэліўся супрацоўнік патрульна-паставой службы, а ў Менску павесіўся ўчастковы інспектар.


У верасні ў Чавускім РАУСе Магілёўскай вобласці літаральна на працягу двух-трох тыдняў адбыліся дзве спробы суіцыду супрацоўнікаў міліцыі. Спачатку спрабаваў застрэліцца супрацоўнік ізалятара часавага ўтрымання. Ён суправадзіў абвінавачанага на паседжанне суду, потым даставіў назад, выйшаў у двор РАУСа, дастаў пісталет Макарава і стрэліў сабе ў грудзі. Куля прайшла міма сэрца, пашкодзіўшы лёгкія. Самазабойцу атрымалася выратаваць. Праз пару тыдняў палез у пятлю міліцыянт-кіроўца Чавускага РАУС. Як распавялі сведкі, прыйшоўшы са службы, ён сеў на канапу, расклаў вакол фатаграфіі з сямейнага альбома, доўга глядзеў на іх, а потым кудысьці моўчкі выйшаў. Жонка знайшла яго павешаным у пуні.

Атрымліваецца, што з красавіка па кастрычнік, усяго за сем месяцаў, у Беларусі адбылося 9 спробаў суіцыду вартаўнікоў правапарадку, з якіх восем скончыліся трагічна.

Яшчэ год таму МУС з задавальненнем адзначала, што ў параўнанні з расейскімі міліцыянтамі, беларускія больш псіхалагічна ўстойлівыя і рэдка сканчаюць жыццё самагубствам. Калі ў Расеі за год, суіцыд ужываюць каля 200 супрацоўнікаў МУС, дык ў Беларусі фіксавалася 2-3 выпадкі ў год.

Як адзначала два гады таму МУС, гэтага атрымалася дасягнуць за кошт таго, што «прафадсяванне» прэтэндэнтаў на міліцэйскую пасаду было арганізаванае на належным узроўні. Паводле дадзеных МУС, яно складаецца з некалькіх этапаў.

Спачатку прэтэндэнт праходзіць гутарку ў тэрытарыяльным падраздзяленні, дзе плануецца праходжанне далейшай службы, затым ідзе праверка фізічнай і маральна-псіхалагічнай прыдатнасці асобы. А дэпрэсіўныя і іншыя расстройствы, якія перашкаджаюць займацца прафесійнай дзейнасцю, выяўляюць непасрэдна спецыялісты ваенна-медычных камісіяў. Яны ж ацэньваюць псіхічныя, фізіялагічныя, асабістыя, паводніцкія і інтэлектуальныя якасці чалавека. Заключнае выпрабаванне – індывідуальная гутарка з псіхолагам, які дае вызначэнне: «не цалкам» ці «у асноўным» адпавядае.

«На скарачэнне самагубстваў у органах унутраных справаў шмат у чым паўплывала стварэнне псіхалагічных падраздзяленняў, працаўнікі якіх закліканыя адсочваць сітуацыю ў міліцэйскіх калектывах. Гэта забяспечыла своечасовае рэагаванне на асабістыя праблемы супрацоўнікаў», -- паведамляла раней МУС. Цяпер ведамства маўчыць.

Між тым, досвед Расеі падказвае, што каля 60% самазабойцаў-міліцыянтаў, звярнуліся да скрайняга кроку ў стане алкагольнага ап'янення. І вось тут, магчыма і крыецца корань праблемы беларускага МУС. Як сведчыць міліцэйская статыстыка, толькі п'янымі за рулём у 2009 годзе міліцыянтаў пачалі выяўляць ледзь не ў два разы часцей, чым, напрыклад, у 2007 годзе.

За матеріалами Голос UA на РФ
Також читайте:
Категорія: Навіны Беларусі | Переглядів: 1879 | Додав: holos
Всього коментарів: 0
ЗАЛИШ СВІЙ КОМЕНТАР ПРО ЦЮ НОВИНУ
Додавати коментарі можуть лише зареєстровані користувачі.
[ Реєстрація | Вхід ]
ТВОЯ ДУМКА ВАЖЛИВА ДЛЯ СВІТУ, ХАЙ ПРО НЕЇ ЗНАЮТЬ ВСІ