На Камароўскім рынку з'явілася цыбуля, вырашчаная ў Беларусі, якую прадаюць за 25 тысячаў рублёў за кілаграм.

Як паведамляе «Комсомольская правда в Беларуси», прадаўцы лічаць, што 25 тысячаў рублёў за кілаграм цыбулі – гэта нядорага.

Аднак, як бы прадаўцы ні запэўнівалі, што цыбуля за 25 тысячаў не шакуе менчукоў, на ўсіх цэнніках кошт напісаны выключна за 100 грамаў - 2500 рублёў.

«А навошта палохаць пакупнікоў? – кажа прадавец. - Вы ж усё адно не з'ясцё кілаграм. Усе бяруць невялчікія пучкі. Вось мы і пішам кошт за сто грамаў. Бо за кілаграм кроп і пятрушка па 30 тысячаў, а кінза яшчэ даражэй "- 60 тысячаў. А так, глядзіш, быццам і нармальна».

Няўжо цыбулю так цяжка вырошчваць, што за кілаграм яна атрымліваецца як экзатычная гародніна авакада?

«На працягу трох апошніх гадоў у зімовы і ранні вясновы перыяд фабрыка рэалізуе зялёную цыбулю па 15 тысячаў за кілаграм (без ПДВ), - заявілі на «Менскай агародніннай фабрыцы». - Каб узімку вырасціць гародніну патрэбныя, перш за ўсё, цяпло і святло. На жаль, пакуль тарыфы на цеплаэнерганосбіты штогод растуць. Напрыклад, лютаўскі тарыф 2010 года за 1 м3 газу вырас больш, чым у два разы ў параўнанні з лютым 2008. За гэты ж перыяд тарыфы на электраэнергію выраслі больш, чым у 1,5 разы».